• Sunday 23rd of February 2020

टुटल र पठाओ सेवालाई अवरुद्ध नगर्न मन्त्री नेम्वाङको निर्देशन


  • खुल्ला संसार
  • बिहि, मंसिर १२, २०७६

काठमाडौँ ; नेकपाका नेता तथा नव नियुक्त यातायात मन्त्री वसन्त नेम्वाङले टुटल, पठाओ लगायतका सेवालाई सञ्चालन गर्न दिन निर्देशन दिएका छन्।

मन्त्री नेम्वाङले यातायात व्यवस्था विभागका महानिर्देशक गोगनबहादुर हमाललाई लामो समयदेखि सञ्चालनमा रहेको सो सेवा अहिले रोक्नुका कारणबारे मौखिकरूपमा स्पष्टीकरण सोधेको मन्त्रालयले जानकारी दिएको छ ।

विभागले गत साता एक सूचना जारी गरी ‘निजी सवारी यातायत सेवाका लागि प्रयोग गर्न पाइने छैन’ भन्ने व्यवस्था यातायात व्यवस्था ऐन, २०४८ मा भएको उल्लेख गर्दै टुटल पठाओ लगायतका सेवाप्रदायक संस्थालाई सेवा रोक्न भनेको थियो।

मन्त्री नेम्वाङले विभागलाई कार्यविधि र निर्देशिका बनाएर यी सेवा सञ्चालन गर्न दिन पनि निर्देशन दिएका थिए। मन्त्रालयका प्रवक्ता राजेश्वर ज्ञवालीले भने, ुऐनमा आवश्यक संशोधन प्रक्रिया अघि बढाएर पनि सेवा सञ्चालन गर्न दिन मन्त्रीज्यूले निर्देशन दिनुभएको छ।

सो विषयलाई लिएर गतबर्ष प्रधानमन्त्री केपी शर्मा ओलीले सेवा अवरुद्ध नगर्न निर्देशन दिएका थिए ।

प्रतिक्रिया
ताजा अपडेट

हाम्रो बारेमा

हाम्रो टिम

सम्पर्क

    Subscribe

© copyright 2019 and all right reserved to Khulla sansar | Site By : SobizTrend Technology